സംഭവം ഇങ്ങനെയാണ് - ദിലീപും ബിജുമേനോനും ആത്മാര്‍ത്ഥ സുഹൃത്തുക്കളായാണ് ഈ ചിത്രത്തില്‍ അഭിനയിക്കുന്നത്. ഒരു പ്രത്യേക സാഹചര്യത്തില്‍ ദിലീപിന് ബിജുമേനോന്‍റെ ഭാര്യയായി വേഷം കെട്ടേണ്ടിവരുന്നു. സിനിമയിലുടനീളം പിന്നീട് ദിലീപിന് ബിജുവിന്‍റെ ഭാര്യാവേഷം തന്നെയാണ്.
‘അവ്വൈ ഷണ്‍‌മുഖി’ എന്ന സിനിമയില്‍ കമലഹാസന്‍ കാഴ്ചവച്ച വിസ്മയം ആവര്‍ത്തിക്കാനാണ് ദിലീപ് ഒരുങ്ങുന്നത്. സൂപ്പര്‍ഹിറ്റുകളുടെ സൃഷ്ടാക്കളായ ഉദയ്കൃഷ്ണ - സിബി കെ തോമസ് ടീമാണ് ഈ സിനിമയുടെ രചന നിര്‍വഹിക്കുന്നത്. സിനിമയുടെ പേര് നിശ്ചയിച്ചിട്ടില്ല.
‘സ്വ.ലേ’യ്ക്ക് ശേഷം കളര്‍ ഫാക്ടറിയുടെ ബാനറില്‍ പി സുകുമാറും മധു വാര്യരും ചേര്‍ന്ന് നിര്‍മ്മിക്കുന്ന ചിത്രമാണിത്. അടുത്ത വര്‍ഷം ആദ്യം റിലീസ് ചെയ്യുമെന്നാണ് റിപ്പോര്‍ട്ടുകള്‍. ഇതിനുമുപ് ജോസ് തോമസ് - ദിലീപ് - സിബി - ഉദയന്‍ ടീം ഒരുമിച്ചത് ‘ഉദയപുരം സുല്‍ത്താന്‍’ എന്ന സിനിമയ്ക്കു വേണ്ടിയാണ്. ആ ചിത്രം സൂപ്പര്‍ഹിറ്റായിരുന്നു.
‘മൈ നെയിം ഈസ് അവറാച്ചന്‍’ എന്നൊരു പ്രൊജക്ടാണ് ദിലീപിനുവേണ്ടി ജോസ് തോമസ് ആദ്യം ആലോചിച്ചത്. അവറാച്ചന്‍ എന്ന കഥാപാത്രവും ഒരു ആനയും തമ്മിലുള്ള രസകരമായ ബന്ധത്തിന്‍റെ കഥയായിരുന്നു ഇത്. എന്നാല്‍ ചില സാങ്കേതിക കാരണങ്ങളാല്‍ ഈ പ്രൊജക്ട് മാറ്റിവച്ചിട്ടാണ് ദിലീപിനെ പെണ്വേഷം കെട്ടിക്കാന്‍ ജോസ് തോമസ് ഒരുങ്ങുന്നത്
No comments:
Post a Comment