സിദ്ദിഖ് ലാലുമാരുടെ ആദ്യസൃഷ്ടിയായിരുന്നു റാംജി റാവു സ്പീക്കിങ്. ചിത്രം വന്‍വിജയം കുറിച്ചതോടെ ഇവര്‍ മലയാള സിനിമയുടെ അവിഭാജ്യഘടകങ്ങളായി. മുകേഷും ഇന്നസെന്റെയും സായികുമാറും, വിജയരാഘവുനുമൊക്കെ തകര്‍ത്താടിയ റാംജി റാവു സ്പീക്കിങിന്റെ രണ്ടാംഭാഗവും വമ്പന്‍ വിജയമായിരുന്നു.
മോളിവുഡിലെ തുടരന്‍ സിനിമകളുടെ ട്രെന്‍ഡിലേക്ക് മാന്നാര്‍ മത്തായിയും കൂട്ടരും ചേരുകയാണ്. സിദ്ദിഖ് ലാലുമാരുടെ പിന്തുണയോടെയാവും ഈ സിനിമയും ഒരുങ്ങുകയെന്ന് മാണി സി കാപ്പന്‍ പറയുന്നു. കോട്ടയം നസീര്‍ തിരക്കഥയൊരുക്കുന്ന ചിത്രത്തില്‍ മത്തായിയും ബാല ഗോപാലകൃഷ്ന്‍മാര്‍ക്കും പുറമെ ഒരു പുതിയൊരു നായകനും നായികയും രംഗപ്രവേശനം ചെയ്യും.
നാടകമൊക്കെ വിട്ട് മത്തായിയും സംഘവും സിനിമ നിര്‍മിയ്ക്കാന്‍ ഇറങ്ങുകയും പിന്നീടുണ്ടാവുന്നു ഗുലുമാലുകളുമായിരിക്കും പുതിയ സിനിമയുടെ പശ്ചാത്തലം. ആദ്യഭാഗങ്ങളെപ്പോലെ മത്തായിയുടെ ഈ വരവും കലക്കുമെന്ന് തന്നെയാണ് നിര്‍മാതാവായ മാണി സി കാപ്പന്‍ കരുതുന്നത്
hello admin pls contact me
ReplyDelete